298               TESTAMENTS ENREGISTRÉS AU PARLEMENT DE PARIS ' (538)
des messes de Requiem pour moy et pour Richarde, tant comme ilz se pourront estandre, et qu'il en soit chargié en conscience, et, ce fait, que on lui rende son brevet.
Item, je quicte Sainteron, ma niepce, et sou mary, Marion, sa fille, et son mary, et leurs hoirs de dix neuf frans contenuz en un brevet du Chastellet que j'ay devers moy sur feu Guillemin Vachote, et vueil que le brevet leur soit rendu ou qu'il soit dessiré; et. si les quicte de deux escuz qu'ilz me doivent sans brevet, et de dix frans que j'ay depuis prestez à ma dicte niepce et à Gilet Maupin, son mary, dont j'ay brevet devers moy.
Item, je laisse à Denisot, mon fillol et mon nepveu, fi1z de Pier­rette, ma suer, dix escuz sur ce qu'il me puet devoir, dont j'ay deux brèves par devers moy.
Item, je quicte Pierrette, ma suer, de dix escuz ou de dix frans qu'elle me doit pour un brevet, et vueil que on lui rende le dit brevet, et non pas cellui de vint cinq frans, ne cellui de trente solz Tournois de rente, combien que je vueil que on lui quicte les arrerages.
Item, je quicte aussi Jehan Toucy, mon nepveu, de dix frans ou de dix escuz qu'il me doit sur un brevet de sa main, et de quatre frans que je lui ay depuis prestez sur un autre brevet, et si lui laisse quatre sextiers de blé.
Item, je quicte toutes povres gens qui me devront aucune chose, se mes executeurs voient qu'il soit bien employé; et si quicte tous arre­rages de mes pensions et toutes debtes de pratiques qui me seront deues au jour de mon trespassement pour escriptures ou autrement, et non pas ce qui me sera [deu] de mes gages ou pension, à cause de mon office de procureur general, ou pour autres causes que celles dont cy dessus a esté parlé; et vueil que de ce qui en sera recouvré on en donne le diziesme pour Dieu aux povres eglises et à povre creature.
Item, je vueil que, après ma mort, en la Sepmaine Peneuse et à Pasques on donne seze livres Parisis, à chascun povre un Parisis et non plus ; et que on commence le lundi à Saint Julien le Povre, et que de là on s'en voise à Sainl Nicolas des Champs, et de là à Saint